დედაქალაქისკენ მომავალი ავტოკოლონა და კილომეტრიანი საცობები ავტობანზე - რა კადრები ვრცელდება სოცქსელში?

რამდენიმე საათში თბილისის ცენტრალურ გამზირზე "ქართული ოცნების“ ორგანიზებით რუსთაველის გამზირზე "საყოველთაო სახალხო შეკრება" გაიმართება.

"ქართული ოცნების" აღმასრულებელი მდივნის, მამუკა მდინარაძის ინფორმაციით, შეკრებაზე 20:00 საათიდან სიტყვით გამოსვლებია დაგეგმილი, შეკრება კი 18:00 საათიდან დაიწყება. მისი თქმით, 29 აპრილს იმ ადამიანების რაოდენობა, რომლებიც მიიღებენ მონაწილეობას შეკრებაში, "მოლოდინსაც კი გადააჭარბებს". სიტყვით გამომსვლელებს შორის იქნება "ქართული ოცნების" საპატიო თავმჯდომარე ბიძინა ივანიშვილიც.

• ცნობილა, რომ დღეს დედაქალაქში დაგეგმილ შეკრებას უერთდებიან რეგიონებიდანაც. დილიდან სოციალურ ქსელში ვრცელდება ავტობანზე გადაღებული ფოტო და ვიდეო კადრები, სადაც კილომეტრიანი საცობებია აღბეჭდილი.

"ქუთაისის ავტობანი. ღმერთმა იცის, როდემდე მომიწევს დგომა. პარალიზებულია გზა" - წერს ერთ-ერთი მოქალაქე და კადრებს აქვეყნებს.

"ქართულ ოცნებაში" ამბობენ, რომ რეგიონებიდან მოსახლეობის ჩამოყვანას ისინი უზრუნველყოფენ, თუმცა აღნიშნავენ, რომ "ძალდატანებით არავინ ჩამოვა".

"დიახ, ჩვენ უზრუნველვყოფთ რეგიონებიდან, მათ შორის ფინანსურ მხარეს, რომ ორგანიზება და მგზავრობა უზრუნველვყოთ მთლიანად, მაგრამ თუ კი ვინმე ამბობს, რომ ერთი ადამიანიც კი არ იქნება, ვისაც არ უნდოდა (გარანტირებულად გეუბნებით) და "უთხრეს არა, შენ უნდა წამოხვიდე“. თათბირზე ვამბობდი, რომ არცერთი ადამიანი არც კი დაარწმუნოთ, რომ წამოვიდნენ თუ ადამიანებს წამოსვლა არ უნდათ“, - განაცხადა პარტიის თავმჯდომარემ მამუკა მდინარაძემ.

ნახეთ ვიდეო: